بسطيلة الدجاج و الكباب مغدور من مطبخي

عدد المساهمات : 39 تاريخ التسجيل : 19/12/2012

السلام عليكم و رحمة الله و بركاته هادي واحد العراضة للحباب حبيت نشارككم بها
[ندعوك للتسجيل في المنتدى أو التعريف بنفسك لمعاينة هذا الرابط]

المقادير بسطيلة نتاع 40 سنتيم
دجاجة ديال 2كيلو
معلقة كبيرة اسكنجبير
نص م ص راس الحانوت
م ص ابزار
3 عويدات قرقة
15 cl تقريبا زيت
زبدة شي 80 غ
معدنوس و قزبر شي زلافة لاورب
الخرقوم و الزعفران حر
1 م ك ملح
نصف ضويمة الزعفران اختيارية
كيلو ونص بصلة
ورقة البسطيلة
مقادير اللي غادي نضيفو من بعد
شي 70 غ سكر
م ص قرفة وشي 10بيضات على حساب الكبر

و اللوز شي 400 حتى ل500 على حسب الذوق
م ص قرقة1.5
و السكر كلاصي 100غ
الطريقة

[ندعوك للتسجيل في المنتدى أو التعريف بنفسك لمعاينة هذا الرابط]

نضع الدجاج و العطرية و الزيت و اعواد القرفة و شوية الماء يتقلاو فيهم
[ندعوك للتسجيل في المنتدى أو التعريف بنفسك لمعاينة هذا الرابط]
و نزيدو البصلة و الربيع و و الزبدة و خلطو و خليهم يطيبو على خاطرهم
[ندعوك للتسجيل في المنتدى أو التعريف بنفسك لمعاينة هذا الرابط]
انا زدت غير ثلت البصلة حيت ما كفاتنيش المرميتة و حتى طاب الدجاج وحيدته عاد زدت الباقي و كملت الطياب
[ندعوك للتسجيل في المنتدى أو التعريف بنفسك لمعاينة هذا الرابط]
ما تحتاجوش تزيدو الماء لانه البصلة كتطلق و الدجاج حتى هو

و ردو البال باش ما تفوتوش فيه في الطياب باش ما ينشفش لانه من اسباب نجاح البسطيلة
[ندعوك للتسجيل في المنتدى أو التعريف بنفسك لمعاينة هذا الرابط]

منين البصلة اللي زدنا طابت ضفت السكر وحنا كنحركو حتى تيتدغمر و ينشف المرق من الماء و يتعلك
[ندعوك للتسجيل في المنتدى أو التعريف بنفسك لمعاينة هذا الرابط]

ملاحظة انا هنا وقفت وجدت المريقة وفرتت الدجاج وكونجلت كلشي حيت تأجلات العراضة و كنت الدجاج خرجته من الكونجيلاتور ونهار العراضة كملت الباقي و سهال علي الشغل بزاف
قسمو المريقة على 2 وحدة خليوها على جنب و التانية زيدو عليها م ص قرفة و البيض خلطوه و زيدوه مع التحراك حتى تجمع و ينشف و نديروه في صفاية باش يتقطر
[ندعوك للتسجيل في المنتدى أو التعريف بنفسك لمعاينة هذا الرابط]

هداك الزيت اللي كتنزل غادي تحتاجي منها باش ترشي حشوة البسطيلة و كتقدري تدهني بالبقية الورقة

فرتتو الدجاج كيف ما هو معروف و زيدو عليه شي معلقة من الزيت اللي قطرتوها من الدغميرة و م ك سكر كلاصي
[ندعوك للتسجيل في المنتدى أو التعريف بنفسك لمعاينة هذا الرابط]
اللوز بعد ما حيدنا ليه القشرة و نشفناه نقليوه و نطحنوه و نزيدو عليه السكر كلاصي شي 100 غ او اكثر دوقو عينكم ميزانكم و ديرو حساب اناكم غادي تسقيوها بالعسل باش ما تفوتوش
وشي معلقة ك قرفة و شي 2 حتى ل3 معالق ماء زهرو و خلطو كلشي
[ندعوك للتسجيل في المنتدى أو التعريف بنفسك لمعاينة هذا الرابط]

نجيو للمونتاج

هنا استعملو الى عندكم بحال هاد الفورم او شريوه حيت في المغرب موجود و رخيص و ينفعكم في بزاف الحوايج بحال الى بغيتو تبدلو الحطة ديال الكسكس كيف درت هنا
[ندعوك للتسجيل في المنتدى أو التعريف بنفسك لمعاينة هذا الرابط]
االى كانت فيه 6 او 7 الوردات يكون افضل لانه كتجي باينة فيه تقويسة الوردة في البسطيلة
اللي ما عندوش يدير بحالي ياخد ورق كبير على كبر البسطيلة اللي بغيتي تديري يطويه على 2
[ندعوك للتسجيل في المنتدى أو التعريف بنفسك لمعاينة هذا الرابط]
كتولي نصف دائرة ثم ربع ثم الثمن و نقطعو بالمقص نصف دائرة كنكبرو تقويسة بالمقص شوية باش تجي باينة ديكور الوردة في البسطيلة
وغادي تاخدو الجهة اللي وسطها مقطع
[ندعوك للتسجيل في المنتدى أو التعريف بنفسك لمعاينة هذا الرابط]

و تعملوها على الاوراق ديال البسطيلة اللي تكونو دهنتيوهم و ستفتوهم و تعمروها بالدجاج المفرتت و من بعد ديك الدغميرة اللي بلا بيض بعد ما تقطرات حتى هي تحاولو تفرقوها فوق الدجاج
[ندعوك للتسجيل في المنتدى أو التعريف بنفسك لمعاينة هذا الرابط]

ثم حيدو الورق المقوى لانه دابا ساهل باش تكملو الطبقات بلا به ثم الدغميرة اللي فيها البيض ثم اللوز المخلط و رشوها شوية بديك الزيت المقطرة
[ندعوك للتسجيل في المنتدى أو التعريف بنفسك لمعاينة هذا الرابط]
البنات اللي كستعملو ورق الفيلو كيوحل في عمل الوردة فاضطريت نقطع اطراف شوية مستطيلة و ما كبيراش و كنلمط الجوانب حيت في الاخير كلشي كيتغطى
و جمعو عليها الاوراق و لا داعي تكترو بزاف الورقة من الفوق حيت غادي تزيدو الورقة خيوط بعد ما لويتوها بحال سويس رول و قطعوها بالمقص الى كانت الفيلو بلا ما تدهنوها لانه كلها غادي تلصق و ما تجيش شرائط ماشي بحال ديال المغرب
كتدهنو بصفر البيض و ترشو عليها دوك الشنانف ديال الورقة و بالنسبة لوردة الوسط غادي تقطعوا دوائر متعددة ملصقةفي المركز بنقطة صفر البيض او البياض و جمعوها باش تعطيك شكل وردة وممكن تستاعني بعود اسنان و من بعد حيديه و ها هي وجدة رشوا عليها شوية الزبدة
[ندعوك للتسجيل في المنتدى أو التعريف بنفسك لمعاينة هذا الرابط]

و دخلوها تطيب حتى تدهب
و رشوها بشوية القرفة و سقيوها بالعسل بعد ما تقبوها شوية بعود الاسنان باش تشرب و رشو عليها اللوز مهرمش و رشيت شوية البريون على الوردة اللي في الوسط واخا في التصويرة ما بانش مزيان مع الضوء و العسل كيبريو
[ندعوك للتسجيل في المنتدى أو التعريف بنفسك لمعاينة هذا الرابط]
ملاحطات
ردو البال للدجاج يطيب غير القياس باش ما ينشفش
ما تبقاوش تعطيوها للزبدة بلاقياس ولا تجيكم كتكهم
ديرو ورق الزبدة تحت من البسطيلة حيت ما غاديش يمكن لكم تقلبوها استاعنو بشي حاجة بحال الفراح باش تزلق في الطبسيل
الزيت الى ما استعملتوهاش في البسطيلة تقدرو تدهنو بها مسيمنات عوض الزبدة يجيوكم منسمين بمذاق البسطيلة وممكن تزيدو عليهم البيض و تعمرو بهم
كباب مغدور

ما عنديش تصاور مفصلة لانه يدي كانوا عامرين بالتقطاع ديال القوام وليه عدة طرق
انا كتدير ليه بحال قوام ديال القطبان غير كنزيد شي حويجات في العطرية
2 كيلوا لحم فخاد و لا الكتف من الاحسن
كيلو بصلة على حسب ذوقكم
تحميرة
التومة شي 3 ضروس
ابزار
سكنجبير
نص ضامة البنة كندير بقري
كمون
الربيع
و الزيت بلدية مع الرومية
شوية الزعفران
الملح
و
كتقطعو اللحم مربعات بحال ديال القطبان
[ندعوك للتسجيل في المنتدى أو التعريف بنفسك لمعاينة هذا الرابط]
و كنشرملو بالعطرية و نخليه ليلة انا خشيته مشرمل في الكونجيلاتور غير جبدت و زدت باقي القوام
هادي تصويرة كنت واخداها واحد المرة كان باقي لي شوية اللحم وصوبته
[ندعوك للتسجيل في المنتدى أو التعريف بنفسك لمعاينة هذا الرابط]

و كتزيدو كاع القوام و تخليوها تطيب على خاطرها و لا مزروبين سدو عليها في الكوكوت على نار مهيلة
تكون وجدات منين تشدي اللحم بين يدك و وتضغطي كييتحل بسهولة وما تخلويهش يهرى و الماء تقريبا ما تحتاجوش او القليل
نورمالمون يكون اللحم في الطاجين وتفقصي البيض عليه غير البياض يطيب صافي كتسربي الطبق
وكتديري البيض على حسب عدد الاشخاص انا درت غير وحدة حيت سابقاه البسطيلة شابعة بيض و عارفه غادي يبقى حاصل لي في الراس
درت البيضة تطيب غير في مقلة مع زبيدة و رشيت المعدنوس
[ندعوك للتسجيل في المنتدى أو التعريف بنفسك لمعاينة هذا الرابط]
وها الخبز باش تدوزو
[ندعوك للتسجيل في المنتدى أو التعريف بنفسك لمعاينة هذا الرابط]

و بالصحة و الراحة [u]

عدد المساهمات : 39 تاريخ التسجيل : 19/12/2012

مكرر

عدد المساهمات : 42 تاريخ التسجيل : 09/11/2012

تبارك الله عليك كلشي كيشهي الكباب والبسطيلة و ديك الخبز ماشاء الله عليك وخلاص

عدد المساهمات : 39 تاريخ التسجيل : 19/12/2012

مغربية وافتخر كتب:: تبارك الله عليك كلشي كيشهي الكباب والبسطيلة و ديك الخبز ماشاء الله عليك وخلاص

الله يبارك فيك عزيزتي عينيك اللي غزالين كيشوفوا كلشي غزال
شكرا على مروركي العطر

عدد المساهمات : 20 تاريخ التسجيل : 18/07/2012

تبارك الله عليك عطاك الله الصحة و الله يديم عليك النعمة كلشي ممتاز و شرح اكتر من رائع

عدد المساهمات : 186 تاريخ التسجيل : 04/07/2012

ماشاء الله عليك طباخة من الطراز الاول
عطاك الله الصحة و شكرا لتنويرك مطبخنا ننتظر منك المزيد اختي الغالية

عدد المساهمات : 15 تاريخ التسجيل : 05/07/2012

تبارك الله عليك و الله يعطيك الصحة

» طريقتي في طهي الدجاج
» كيكة الشكلاط بلكريم باتيسري من مطبخي