طريقتي في طهي الدجاج هاد الطريقة كتجيب دجاج شهوة منو كناخد الدجاجة نغسلها مزيان بالماء و الملح و ندهنها مزيان بالتوم غبرة تم الحامض بالقشور محكوكين و نخليها تبات فداك الخليط فالغد كنجبدها نشللها ونحطها تستقطر تم نصبها مع الزيت البلدية والعطرية والمعدنوس وقليل قزبر وفص توم ومكنديرش الماء نهائيا كنقلب الدجاجة ديالي فالعطرية من كل الجوانب ونسد الطاوة و كل شوية نقلب لجهة حتى يتبدل لونها عاد نخليها على الصدر تطيب نتكها بسفود من الظهر يلا خرج ناشف نهزها نديرها تستقطر و تبرد مزيان ونكون موجدة بصلة كبيرة مشلظة نرميها فديك المرق هي والgانصة انا مكتعجبنيش مكنديرهاش و نسد حتى طيب البصل تم نضيف الكبد ونخلي المرق حتى يعقد و ندهن دجاجتي الغزالة ههه بالسمن او الزبدة مع قليل دالملون وندخلها تحمر تم نقدمها مع الزيتون و الحامض وبالصحة و الراحة
color=brown]را[/font]ئع الله يعطيك[/color] الصحة