قصة حب مول القزبر و المعدنوس
كنت جالس فالسوق نبيع القزبر والمعندوس !!
حتى وقفات عليا واحد المرأة قلت مع راسي أنا هاد الزين فين كان مدسوس !!
هازة ڭفة فيها ماطيشة والبصلة وشوية ديال الكرموس !!
المهم واخا كانت مرأة كبيرة لكنها زوينة وتجي معايا حيت أنا بوڭوص !!
عشقتها من أول نظرة وبحبها وليت مهووس !!
خدات لي بغات ومن جات تخلص قلت ليها غي خلي عندك دوك الفلوس !!
قلت فراسي هادي هي الفرصة نمشي نخطب باش نولد شي خنفوسة ولا خنفوس !!
المهم شفت فيها وشافت فييا وقلت ليها إيوا الزين واش مانشوفوش !!
هي حشمات وقالت ويلي ويلي حشم راك بعقلك ماشي برهوش !!
ومن فوق هاد شي كامل راك كبير وشيباني باركة من الفشوش !!
دابا يشوفونا الناس ويقولو ديك المرأة وداك الراجل مايحشموش !!
المهم سولاتني قالت لي أشنو سميتك قلت ليها المعطي وهي سميتها عبوش !!
قلت ليها بغيت نجي نخطبك ولكن خفت لا واليديك مايقبلوش
!!
قالت لي غي آجي راني شرفت وبقيت غي بوحدي بايرة فداك الحووش
!!
المهم دازت آيام مشيت خطبتها واليديها وافقو وطلبي مارفضوهش !!
درنا العرس وولدنا وليدات وعشنا في سعادة واخا ماعندي لا فيلا لا أودي لا بورش !!
ومن داك نهار وحنا مع بعض وعلى الفراق مانقدروش
(( !!
المهم بغيت نقول ليكم البنات غي ديروها فيد الله وسيرو للسوق ماتخافوش !!
راه هاد شي وقع غي صدفة باش تعرفو ان داك شي ديال التصاحيب والتخربيق مامنوش !!
