موضوع: حلويات من يدي للحلوات الجمعة ديسمبر 28, 2012 8:58 am
السلام عليكم اخواتي ها دو حليوات قدمتهم في العراضة اللي حطيت هما اصلهم سويدي ٍٍSchweden torte معروفة باسم prinsesstårta [ندعوك للتسجيل في المنتدى أو التعريف بنفسك لمعاينة هذا الرابط] المقادير نحتاجوا للكيك 4 بيضات 120 غ سكر فانيلا 60 غ دقيق 60 غ نشا نص معلقة صغيرة خميرة الحلوة الطريقة نطربو مزيان البيض و السكر و الفانيلا حتى كيتضاعف الحجم ديالهم تقريبا 5 دقايق [ندعوك للتسجيل في المنتدى أو التعريف بنفسك لمعاينة هذا الرابط]
الطبقة الاولى فيها 100 غ كونفتير دالمشماش او الفريز مخلطة مع م ك ديال الماء
مقادير الكريمة 1 2دسليتر حليب 20غ نشا 4 اصفر البيض 2 فانيلا 30 غ سكر 2 اوراق جيلاتين مرطبين في الماء بارد 1.8 دسلتر كريم 1 فانيلا [ندعوك للتسجيل في المنتدى أو التعريف بنفسك لمعاينة هذا الرابط] كندوبوا النشا في الحليب و كنزيدو اصفر البيض و 2 فانيلا و السكر [ندعوك للتسجيل في المنتدى أو التعريف بنفسك لمعاينة هذا الرابط] و نخلطو مزيان و نوضوعوها على نار هادية و احنا كنحركو حتى تتجمع بحال لكريم باتسيير و ندوزوها في صفاية [ندعوك للتسجيل في المنتدى أو التعريف بنفسك لمعاينة هذا الرابط] ونزيدو عليها ما حدها سخونة اوراق الجيلاتين نكوكوا رطبناهم في الماء بارد من قبل و عصرناهم و حركوا كلشي حتى تدوب و ديروها تبرد في التلاجة منين تبدا الكريمة في جناب الاناء تشد في راسها يعني تجمد جبدوها و خلطوا مزيان و خذو 1.8 دسلتر كريم طربوها مع فانيلا و تقريبا معلقة صغيرة سكر منين تطلع زيدوها على الكريم باتسيير من لتحت للفوق وخليوها تبرد على ما توجدو بقية الطبقات [ندعوك للتسجيل في المنتدى أو التعريف بنفسك لمعاينة هذا الرابط]
طبقة الكريمة التانية 2.5 دسيلتر كريم 1 معلقة كبيرة سكر كلاصي جوج اوراق الجيلاتين مرطبين في الماء و معصرين 2 معالق كبار ماء [ندعوك للتسجيل في المنتدى أو التعريف بنفسك لمعاينة هذا الرابط] طربو الكريم و السكر و منين تطلع سخنو جوج معالق دالماء ودوبوا فيهم الجيلاتين زيدو عليهم 2 معالق كبار من ديك الكريمة اللي طربتو وعاد خلطوها مع البقية غير بالتحراك بلا تطراب و خليوها تبرد
نجيو للمونتاج دابا نقطعوا الكيك على 3 و حطو القطعة الاولى في المول [ندعوك للتسجيل في المنتدى أو التعريف بنفسك لمعاينة هذا الرابط] و سرحوا عليها الكونفتير مخلط مع معلقة كبيرة ماء و مدفيين ثم نوضعوا الكريمة الاولى [ندعوك للتسجيل في المنتدى أو التعريف بنفسك لمعاينة هذا الرابط] و غطيوها بقطعة الكيك الثانية [ندعوك للتسجيل في المنتدى أو التعريف بنفسك لمعاينة هذا الرابط] ثم كريمة الشانتيي [ندعوك للتسجيل في المنتدى أو التعريف بنفسك لمعاينة هذا الرابط] ولكن كتعمرو الوسط اكثر من الجناب باش كتجي مكورة و مقببة والكيك قبل ما نحطو كنشرحو بالموس من الوسط بلا ما توصلو الاطراف باش تساعدنا منين نحطوها على الكريمة تبقى منفوخة في الوسط ومقببة وأخيرا 350 غ ديال المارزيبان بسطوها على حساب لكبر ديال كيكتم [ندعوك للتسجيل في المنتدى أو التعريف بنفسك لمعاينة هذا الرابط]
ملاحظات الى كانت الكريم شانتيي عندكم كتجي قابطة مزيان ما جارياش ما تحتاجوش الجيلاتين اممكن طبقة الكريمة الاولى تديرو غير الكريم باتسيير بلا كريمة شانتيي وبلا جيلاتين غير زيدو من الكريم باتسييرشوية باش تكفي انا درت 2 بيضات كاملين عوض 4 اصفر البيض غير اقتاصدت المهم معروفة ان الطبقة الاولى كتكون صفراء المول ماشي ضروري وقت المونتاج
الطريقة هاداالبات مختالفة خدمتها على اللي معروفين و كتجي هشيشة بحال صابلي نطربو الزبدة مزيان و نزيدو السكر بشوية و الفانيلا و اصفر البيض [ندعوك للتسجيل في المنتدى أو التعريف بنفسك لمعاينة هذا الرابط] و عاد الدقيق مغربل [ندعوك للتسجيل في المنتدى أو التعريف بنفسك لمعاينة هذا الرابط] و ندلكوها بسرعة غير باش تنساجم العناصر مع بعضها و نجمعوها و نخليوها ترتاح في الثلاجة ساعتين [ندعوك للتسجيل في المنتدى أو التعريف بنفسك لمعاينة هذا الرابط] غادي تسرحو العجينة في المول ديالكم و تقبوها بالفرشيطةو تغطيوها بالمنيوم و تقلوها بشي حاجة بحال الحمص [ندعوك للتسجيل في المنتدى أو التعريف بنفسك لمعاينة هذا الرابط]
و تدخلوها الفران في الوسط تطيب 10 دقايق تقريباو حيدو من بعد الالمنيوم [ندعوك للتسجيل في المنتدى أو التعريف بنفسك لمعاينة هذا الرابط] (هادو صور العجينة في القالب نتاع تارت اخرى غير حيت نسيت ما صورتش هاد المرحلة هادشي علاش حطيتهم)
و نعمروها بالمقادير التالية الكريمة هي كتشبه ديال الفرانجيبان frangipane
120 زبدة 100 سكر كلاصي 2 بيضات 150 غبرة اللوز 2 م ك دقيق قشرة حامضة [ندعوك للتسجيل في المنتدى أو التعريف بنفسك لمعاينة هذا الرابط] طربوا الزبدة مزيان و زيدو السكر كلاصي تدريجبا و قشرة الحامض ثم البيض و اخيرا الدقيق و اللوز [ندعوك للتسجيل في المنتدى أو التعريف بنفسك لمعاينة هذا الرابط]
و عمرو التارت و دخلوها للفران تقريبا 40 دقيقة منين تخرج خليوها تبرد مزيان ومن الاحسن في الثلاجة لان عجينتها هشيشة بزاف بكثرة الزبدة اللي فيها خاصها حتى تجمد
انا دهنتها بالناباج ممكن كونفتير و زوقت باللوز افيلي وكل وحدة ذوقها [ندعوك للتسجيل في المنتدى أو التعريف بنفسك لمعاينة هذا الرابط] ملاحظات ممكن تزيدو شوية خميرة الحلوة الى بغيتو لان ولدي قاسها قبل ما نديرها في التلاجة تهرسو منها طريفات وما تحاولوش تخرجوها من المول و هي سخونة ديرو في قعر المول دائرة من ورق الزبدة تارتليت بالبرقوق [ندعوك للتسجيل في المنتدى أو التعريف بنفسك لمعاينة هذا الرابط] هادو تارتات عاديين كنلبسو المول بالعجينة بريزي ولا مرملة و نتقبوها و نستفو الفاكهة انا درت برقوق و نرشوها بالسكر و القرفة و فانيلا و دخلوهم يطيبوو منين يخرجو ويبردو دهنوهم بالناباج [ندعوك للتسجيل في المنتدى أو التعريف بنفسك لمعاينة هذا الرابط]
مغربية وافتخر
عدد المساهمات : 42 تاريخ التسجيل : 09/11/2012
موضوع: رد: حلويات من يدي للحلوات الجمعة ديسمبر 28, 2012 1:12 pm
[b]الله يعطيك الصحة الحادغة[/b]
ام عبيدة
عدد المساهمات : 39 تاريخ التسجيل : 19/12/2012
موضوع: رد: حلويات من يدي للحلوات الجمعة ديسمبر 28, 2012 6:38 pm
مغربية وافتخر كتب:
[b]الله يعطيك الصحة الحادغة[/b]
ربي يخليك اختي اسعدني مروركي
oumdiae
عدد المساهمات : 34 تاريخ التسجيل : 14/11/2012
موضوع: رد: حلويات من يدي للحلوات الخميس يناير 10, 2013 12:39 pm
الله يعطيك الصحة وتسلم الايادي
razan
عدد المساهمات : 186 تاريخ التسجيل : 04/07/2012
موضوع: رد: حلويات من يدي للحلوات الخميس يناير 10, 2013 1:08 pm
تبارك الله عليك ام عبيدة كالعادة حليواتك معتبرين
الصابرة
عدد المساهمات : 1 تاريخ التسجيل : 01/10/2013
موضوع: رد: حلويات من يدي للحلوات الثلاثاء أكتوبر 01, 2013 12:44 am
